حکومت نے مختلف شعبوں میں نگرانی کی ریموٹ کنٹرول ٹیکنالوجی کے موثر استعمال کیلئے ڈرون ریگولیٹری اتھارٹی قائم کرنے کا فیصلہ کیا ہے۔یہ فیصلہ منگل کے روز اسلام آباد میں وزیراعظم عمران خان کی زیرصدارت ایک اعلیٰ سطح کی بریفنگ میں کیا گیا۔ملاقات میں وزیر سائنس و ٹیکنالوجی چوہدری فواد حسین کی جانب سے وزیراعظم ڈرون پالیسی کی تشکیل سے متعلق ڈرون ٹیکنالوجی کے پرامن اور تحقیق پر مبنی استعمال پر تفصیلی بریفنگ دی گئی۔وزیراعظم نے کہا کہ ڈرون ٹیکنالوجی، زراعت، شہری منصوبہ بندی، سلامتی اور امن و امان کیلئے ایک موثر ذریعے کے طور پر استعمال ہو سکتی ہے۔عمران خان نے اس حوالے سے ایک قانونی اور ریگولیٹری اتھارٹی کی تشکیل کیلئے ایک کمیٹی بنانے کی ہدایت کی کمیٹی ایک ماہ کے اندر وزیراعظم کو ڈرون ریگولیٹری اتھارٹی ایکٹ کا مسودہ پیش کرے گی۔