آزادجموںوکشمیرکے صدر سردار مسعود خان نے بھارت اور پاکستان میں اقوام متحدہ کے فوجی مبصرین کے گروپ کی گاڑی پر آزاد جموں وکشمیر میں لائن آف کنٹرول کے قریب بھارتی فوج کی فائرنگ کی تحقیقات کا خیرمقدم کیا ہے۔ایک بیان میں انہوں نے کہا کہ بھارت نے ہمیشہ اقوام متحدہ کو مسئلہ کشمیر سے دور رکھا اور یہی وجہ ہے کہ بھارت اور مقبوضہ کشمیر میں تعینات اقوام متحدہ کے فوجی مبصرین کو لائن آف کنٹرول پر آزادانہ طور پر اجازت نہیں دی گئی۔سردار مسعود خان نے کہا کہ بھارت کو یہ بھی پسند نہیں ہے کہ وہ اقوام متحدہ کے فوجی مبصرین پاکستان اور آزادکشمیر میں حاضر ہو کر وہ لائن آف کنٹرول پر جا کر بھارتی فوج کے ذریعے جنگ بندی کے خاتمے کا مشاہدہ کرے اور اقوام متحدہ کو اپنی رپورٹ بھیجے۔آزادجموں و کشمیر کے صدر نے مقبوضہ کشمیر میں بھارتی فوج کی طرف سے آزادی پسند رہنماؤں، انسانی حقوق کے کارکنوں اور نوجوانوں کی بڑے پیمانے پر گرفتاریوں کی بھی شدید مذمت کی۔