امور کشمیر اور گلگت بلتستان کے وفاقی وزیر ' علی امین گنڈا پور نے کہا ہے کہ وفاقی حکومت گلگت بلتستان کی سماجی' معاشی ترقی کیلئے عملی اقدامات کررہی ہے۔
ان خیالات کا اظہار انہوں نے آج (جمعرات) اسلام آباد میں گلگت بلتستان کے وزیر اعلیٰ محمد خالد خورشید سے ملاقات کے دوران کیا۔وزیر نے کہا کہ علاقے میں معدنیات اور سیاحت کے شعبوں میں وسیع مواقع موجود ہیں اور ان سے فوائد حاصل کرنے کے لئے مشترکہ کاوشوں کی ضرورت ہے۔
