پیٹرولیم کے معاون خصوصی ندیم بابر نے کہا ہے کہ قطر کے ساتھ طے شدہ دس سالہ ایل این جی معاہدہ گزشتہ معاہدوں سے 31 فیصد سستا ہے۔
جمعہ کے روز اسلام آباد میں ایک نیوزکانفرنس سے خطاب کرتے ہوئے انہوں نے کہا کہ یہ دنیا میں کم ترین لاگت کا معاہدہ جس کو منظر عام پر لایا گیا ہے۔انہوں نے کہا کہ اس معاہدے کے تحت پاکستان ہر ماہ اوسطاً دو ایل این جی بحری جہاز حاصل کرے گا اور تین سال کے عرصے میں بحری جہازوں کی تعداد چار تک بڑھا دی جائے گی۔ندیم بابر نے کہا کہ یہ معاہدہ اگلے سال جنوری سے موثر ہو گا تاہم ایک شق کے تحت پاکستان کو ایل این جی رواں سال کے آخر تک مل جائے گی۔