وزیراعظم عمران خان نے خیبرپختونخوا میں ترقیاتی منصوبوں پر کام تیز کرنے پر زور دیتے ہوئے کہا کہ وہ ترقیاتی منصوبوں پر پیشرفت کا جائزہ لینے کے لئے خود صوبے کا دورہ کرینگے۔
وزیراعظم نے ان خیالات کا اظہار خیبرپختونخوا کے گورنر شاہ فرمان سے گفتگو کرتے ہوئے کیا جنہوں نے بدھ کے روز اسلام آباد میں ان سے ملاقات کی۔ملاقات کے دوران خیبرپختونخوا کے گورنر نے وزیراعظم کو صوبے میں زیتون کی کاشت، شہد کی پیداوار کیلئے بلین ٹری اور خشک میوہ جات کے ایک ارب درخت لگانے کے منصوبوں کے بارے میں بتایا۔انہوں نے وزیراعظم کو صوبے میں یونیورسٹیوں کی انتظامیہ میں اصلاحات کے بارے میں بھی بتایا۔