اسلامی تعاون تنظیم نے انسانی حقوق کے بارے میں اقوام متحدہ کے ہائی کمشنر کی رپورٹس میں کی گئی سفارشات پر عملدرآمد کی ضرورت پر زور دیا ہے جس میں بھارت کے غیرقانونی زیرقبضہ جموں و کشمیر میں انسانی حقوق کی سنگین خلاف ورزیوں کی تحقیقات کےلئے ایک انکوائری کمیشن تشکیل دینے کی تجویز دی گئی ہے۔

جنیوا میں اقوام متحدہ کےلئے پاکستان کے سفیر خلیل ہاشمی نے عالمی ادارے کی انسانی حقوق کونسل کے چھیالیسویں اجلاس کے موقع پر اسلامی کانفرنس تنظیم کی طرف سے ایک بیان پڑھ کر سنایا میں کہا گیا ہے کہ اسلامی تعاون تنظیم کو بھارت کے غیرقانونی زیرقبضہ جموں و کشمیر میں انسانی حقوق کی صورتحال سے متعلق بدستور تشویش ہے۔انہوں نے کہا کہ اسلامی تعاون تنظیم پانچ اگست دوہزار انیس کے بعد تنازعہ ریاست جموںوکشمیر کو بھارت کی طرف سے ساتھ ملانے کے تمام غیرقانونی اقدامات کو منسوخ کرنے کا مطالبہ کرتی ہے۔