وزیرداخلہ شیخ رشیداحمد نے کہا ہے کہ موجودہ حکومت کی غیر متزلزل کوششوں کے باعث ملکی معیشت میں انتہائی بہتری آئی ہے۔
ایک نجی نیوز چینل سے گفتگو کرتے ہوئے انہوںنے کہاکہ وزیراعظم عمران خان جب اقتدار میں آئے تو ملک تقریباً دیوالیہ ہوچکاتھا تاہم وزیراعظم کی بھرپور کوششوں کے باعث ملک شدید مالی بحران سے باہرنکل آیا۔
شیخ رشید احمد نے کہاکہ تحریک انصاف کی موجودہ حکومت بدعنوان عناصر کے احتساب کے نعرے کے ساتھ برسراقتدار آئی اوراس نے اب تک اس مسئلے پر کوئی سمجھوتہ نہیں کیا۔
وزیرداخلہ نے کہاکہ حکومت بدعنوان اور تقسیم شدہ حزب اختلاف سے خوفزدہ نہیں ہے اورعوام گزشتہ حکومتوں کی مایوس کن اور ناکام پالیسیوں کی وجہ سے مسائل کا شکار ہیں۔