انفارمیشن ٹیکنالوجی اور ٹیلی مواصلات کے نگران وزیر ڈاکٹر عمر سیف نے کہا ہے کہ فائیو جی منصوبے پر عملدرآمد میں نمایاں پیشرفت ہو رہی ہے اور یہ آئندہ دس مہینوں میں مکمل ہو جائیگا۔

وفاقی وزیر نے پاکستان ٹیلی کمیو نیکشن اتھارٹی کے چیئرمین ریٹائرڈ میجر جنرل حفیظ الرحمن کے ساتھ ملاقات کے دوران ٹیلی مواصلات، فائیو جی سپیکٹرم کے آغاز اوراس سپیکٹرم کے بہترین استعمال کیلئے حکمت عملی سے متعلق آئندہ منصوبوں پر تفصیلی تبادلہ خیال کیا۔

ڈاکٹر عمر سیف نے رکاوٹیں دور کرنے کیلئے ترجیح پر مبنی اہلیت کے قیام کے اپنے غیر متزلزل عزم کا اظہار کیا۔