ضلع شمالی وزیرستان کے علاقے میر علی میں سیکورٹی فورسز اور دہشت گردوں کے درمیان فائرنگ کے تبادلے میں ضلع کرک کا رہائشی ایک سیکورٹی اہلکار سپاہی ارشاد اﷲ بہادری سے لڑتے ہوئے جام شہادت نوش کرگیا۔
فوج کے شعبہ تعلقات عامہ کے مطابق دہشت گردوں کا صفایا کرنے کیلئے علاقے میں کارروائی جاری ہے ۔
فوج کے شعبہ تعلقات عامہ نے مزید بتایا کہ ہمارے جوان بہادری سے لڑے اور دہشت گردوں کے ٹھکانوں کو نشانہ بنایا ،سیکورٹی فورسز دہشت گردی کا ناسور جڑ سے ختم کرنے کیلئے پرعزم ہیں اور بہادر جوانوں کی یہ قربانیاں ہمارے حوصلے مزید مضبوط کریںگی۔