Monday, 22 April 2024, 07:23:58 am

مزید خبریں

 
فسطائی بھارتی حکومت مقبوضہ کشمیر میں مسلمانوں کا وجود ختم کرنے پرتلی ہوئی ہے،حریت کانفرنس
February 02, 2023

کل جماعتی حریت کانفرنس نے اس بات پر افسوس کا اظہار کیا ہے کہ فسطائی بھارتی حکومت مقبوضہ جموں وکشمیر میں مسلمانوں کا وجود ختم کرنے اور علاقے میں ہندو جنونیوں کو آباد کرنے پر تلی ہوئی ہے۔

کشمیرمیڈیاسروس کے مطابق حریت کانفرنس کے سینئر رہنما غلام احمد گلزار نے سرینگر میں ایک بیان میں کہا کہ مودی حکومت 05 اگست 2019 کو مقبوضہ علاقے کی خصوصی حیثیت کو ختم کرنے کے بعد سے کشمیریوں کی شناخت، ثقافت اور سرزمین کو چھیننے کیلئے پے درپے اقدامات کر رہی ہے۔ انہوں نے کل جماعتی حریت کانفرنس کے ہیڈ آفس کو سیل کرنے پر قابض بھارتی انتظامیہ کی مذمت کی اور کہا کہ اس طرح کے اقدامات سے کشمیریوں کے جذبہ آزادی کو مزید تقویت ملے گی۔ غلام احمد گلزار نے حق خودارادیت کے حصول کیلئے منصفانہ جدوجہد کی غیر متزلزل حمایت پر پاکستان کا شکریہ ادا کیا۔ادھر سری نگر، بارہمولہ اور وادی کشمیر کے دیگر علاقوں میں پوسٹر چسپاں کیے گئے ہیںجن کے ذریعے کشمیریوں کی جدوجہد آزادی کی مسلسل حمایت پر پاکستان کا شکریہ ادا کیا گیا ہے۔ پوسٹرز پر ’گو انڈیا گو بیک او رکشمیر بنے گا پاکستان‘ جیسے نعرے درج ہیں۔