پنجاب کے گورنر محمد بلیغ الرحمن نے کہا ہے کہ ملک کے ترقی کیلئے جمہوری اقدار کا فروغ اور آئین کی بالادستی دونوں ضروری ہیں۔ آج لاہور میں پاکستان مسلم لیگ ق کے رہنما چودھری شافع حسین سے گفتگو کرتے ہوئے انہوں نے کہا کہ وفاقی حکومت نے پیشہ وارانہ تعلیم اور انفارمیشن ٹیکنالوجی کے فروغ کے لئے موثر اقدامات کئے ہیں۔ محمد بلیغ الرحمن نے کہا کہ تعلیمی اداروں اورصنعتوں کے درمیان رابطے کیلئے ایک کنسورشیم تیار کیاگیا ہے۔