Sunday, 03 March 2024, 08:12:20 am

مزید خبریں

 
یوم یکجہتی کشمیر کے سلسلے میں تصویری نمائش کا افتتاح
February 03, 2023

بھارت کے غیر قانونی زیر قبضہ جموں کشمیر میں سنگین صورتحال کو بے نقاب کرنے کیلئے انفارمیشن سروس اکیڈمی اسلام آباد میں یوم یکجہتی کشمیر کے سلسلے میں آج ڈیجیٹل تصویری اور پینٹنگ نمائش کا افتتاح کیا گیا۔نمائش میں فن پاروں، پروموز اور ڈاکیومنٹریز کے ذریعے مقبوضہ جموں و کشمیر میں بھارتی مظالم کو اجاگر کیا گیا جبکہ دوسری جانب یہ آزادی کیلئے کشمیریوں کے غیر متزلزل عزم کا مظہر تھی۔حریت رہنما یاسین ملک کی اہلیہ اور امن و ثقافت تنظیم کی چیئرپرسن مشعال حسین ملک نے نمائش کا افتتاح کیا۔اس موقع پر اظہار خیال کرتے ہوئے انہوں نے کہا کہ نمائش کشمیری عوام کے درد اور دکھ کو ظاہر کرتی ہے اور دنیا کو یاد دلاتی ہے کہ کشمیری آزادی کے اپنے مطالبے کیلئے پُرعزم ہیں۔