آسٹریلیا میں پاکستان کے ہائی کمشنر زاہد حفیظ چوہدری نے عالمی برادری پر زور دیاہے کہ وہ اقوام متحدہ کی سلامتی کونسل کی قراردادوں کے مطابق کشمیریوں کو ان کا حق خودارادیت دینے کے لئے بھارت پر دبائو ڈالےوہ یوم یکجہتی کشمیر کے سلسلے میں سڈنی میں پاکستان کے قونصل خانے میں منعقدہ ایک سیمینار سے خطاب کررہے تھے۔انہوںنے بھارت کے غیر قانونی زیر قبضہ جموںوکشمیر میں فوجی محاصرہ اٹھانے‘ قید کشمیری رہنمائوں کورہاکرنے اور مقبوضہ علاقے میں آبادی کے تناسب کو بگاڑنے کیلئے کیے گئے اقدامات منسوخ کرنے پر زور دیا۔سیمینارمیں آسٹریلوی پارلیمنٹ کے ارکان‘ صحافیوں‘ماہرین تعلیم‘ انسانی حقوق کے کارکنوں اور پاکستانی اور کشمیری برادری کے ارکان نے شرکت کی۔
