Saturday, 23 September 2023, 01:35:41 am
رضیہ سلطانہ نے بھارت کے غیر قانونی زیر قبضہ جموں وکشمیر میں بچوں پر ظلم و ستم پر شدید تشویش کا اظہار
February 05, 2023

حریت رہنما یاسین ملک کی صاحبزادی رضیہ سلطانہ نے بھارت کے غیر قانونی زیر قبضہ جموں وکشمیر میں بھارتی فوج کی جانب سے بچوں پر مظالم پر گہری تشویش ظاہر کی ہے۔ریڈیو پاکستان سے ایک خصوصی انٹرویو میں انہوں نے اس امر پر افسوس کا اظہار کیا کہ کشمیری بچوں کو تعلیم کے انکے بنیادی حق سے محروم کردیا گیا ہے اور انہیں اپنے والدین سمیت پیلیٹ گنوں سے نشانہ بنایا جارہا ہے۔رضیہ سلطانہ نے کہا کہ کشمیری بچوں کی زندگیوں کا تحفظ اور انہیں سکول بھیجنا ان کا مشن ہے اس مقصد کیلئے انہوں نے پاکستانی بچوں سے بھی تعاون کی درخواست کی۔رضیہ سلطانہ نے کہا کہ بھارت کی جیلوں میں بند قیدی جن میں ان کے والد یاسین ملک بھی شامل ہیں، ان کا حق خودارادیت کے حصول کیلئے پرامن جدوجہد کے سوا کوئی قصور نہیں۔