Friday, 29 March 2024, 04:20:21 pm
چیئرمین سینیٹ کا پاکستان ، روس دوطرفہ تعلقات کے فروغ کی ضرورت پر زور
June 07, 2023

چیئرمین سینیٹ صادق سنجرانی نے پاکستان اور روس کے درمیان دوطرفہ تعلقات کے فروغ کی ضرورت پر زور دیا ہے۔

وہ آج(بدھ) ماسکو میں ابتدائی اجلاس میں روسی فیڈریشن کونسل کے ارکان سے خطاب کر رہے تھے۔

پاکستان اور روس کے درمیان تاریخی تعلقات اور دوطرفہ تعلقات کے فروغ کے امکانات پر زور دیتے ہوئے چیئرمین سینیٹ نے یقین ظاہر کیا کہ عالمی سیاسی صورتحال کی بہتری سے باہمی تعلقات مزید مضبوط ہونے کے ساتھ ساتھ تعاون کی نئی راہیں بھی کھلیں گی۔

انہوں نے کہا کہ پاکستانی کاروباری برادری نے روس کے ساتھ تجارت کے فروغ میں زبردست دلچسپی ظاہر کی ہے۔

انہوں نے دوطرفہ تعلقات کی مضبوطی علاقائی اور عالمی مسائل کے حل کے لئے بڑے پیمانے پر پارلیمانی تعاون اور موثر سفارتکاری سے کام لینے کی ضرورت پر زور دیا۔

چیئرمین سینیٹ نے پاکستان روس تعلقات بڑھانے کیلئے روسی صدر پیوٹن کی کاوشوں کو بھی سراہا۔