Monday, 26 February 2024, 12:56:08 pm
نگران وزیراعظم کانوجوانوں کوجدیدتعلیم سے آراستہ کرنے پرزور
December 07, 2023

نگران وزیر اعظم انوار الحق کاکڑ نے مسابقتی اور تیزی سے ترقی کرتی ہوئی دنیا کے چیلنجوں سے نمٹنے کےلئے نوجوانوں کو ترقیاتی اخلاقی اقدار کے ساتھ جدید تعلیم سے آراستہ کرنے پر زور دیا ہے۔

 آج (جمعرات)کیڈٹ کالج کوہاٹ میں 58 ویں یوم والدین کی تقریب سے خطاب کرتے ہوئے انہوں نے کہاکہ اعلیٰ اخلاقی اقدار سوچ کے حامل تعلیم یافتہ نوجوان مادر وطن کا روشن مستقبل یقینی بنا سکتے ہیں۔

 وزیر اعظم نے کہا کہ معاشرہ تعلیم کی مستحکم سکیموں کےبغیر ترقی نہیں کرسکتا، جدید تعلیم خصوصاً سائنس اور ٹیکنالوجی کے شعبے قوم کی حقیقی خوشحالی کے ضامن ہیں۔