Sunday, 21 July 2024, 09:47:22 pm
ایس آئی ایف سی کی کوششوں سے زرعی مصنوعات کی برآمدات میں نمایاں اضافہ
July 10, 2024

خصوصی سرمایہ کاری سہولت کونسل کی کوششوں سے زرعی اور غذائی مصنوعات کی برآمدات میں نمایاں اضافہ دیکھا جا رہا ہے۔

تاریخ میں پہلی بار گزشتہ مالی سال کے دوران زرعی برآمدات 5.8 بلین ڈالر سے بڑھ کر 8 ارب ڈالر تک پہنچ گئی ہیں۔ چاول کی برآمدات 3.8 بلین ڈالر، تل کے بیج 410 ملین ڈالر، مکئی 421 ملین ڈالر، گوشت 507 ملین ڈالر اور پیاز کی 224 ملین ڈالر رہی۔

اس کے علاوہ پھلوں اور مسالوں کی برآمدات میں کئی گنا اضافہ ہوا ہے۔ آم کی برآمد میں 12.74 فیصد جبکہ مسالوں کی برآمد میں 7.8 فیصد اضافہ ہوا۔

یہ اضافہ عالمی منڈی میں پاکستان کے زرعی شعبے کی بڑھتی ہوئی اہمیت اور SIFC کے انقلابی اقدامات کی نشاندہی کرتا ہے۔

چیف ایگزیکٹو ٹریڈ ڈویلپمنٹ اتھارٹی آف پاکستان (TDAP) کے مطابق پاکستانی گوشت کے لیے چینی مارکیٹ کھلنے سے گوشت کی برآمدات میں خاطر خواہ اضافہ ہوا ہے۔

SIFC اور وزارت تجارت کی انتھک کوششوں نے گوشت کی برآمد کے لیے اردن، ازبکستان، لبنان اور مصر کی نئی منڈیاں بھی کھول دی ہیں۔ پاکستان نے پہلی بار چین کو چیری بھی برآمد کیں۔