سندھ کے وزیر اعلیٰ سید مراد علی شاہ نے آج کراچی میں بچوں کو قطرے پلا کر انسدادِ پولیو مہم کا افتتاح کیا۔

تقریب سے خطاب کرتے ہوئے سید مراد علی شاہ نے کہا کہ گزشتہ 33 مہینوں سے کراچی میں کوئی بھی پولیو کیس رپورٹ نہیں ہوا۔انہوں نے والدین سے اپیل کی کہ وہ پاکستان کے مستقبل کو محفوظ بنانے اور اس بیماری سے چھٹکارا حاصل کرنے کیلئے پولیو ٹیموں کے ساتھ تعاون کریں۔ریڈیو پاکستان کے کراچی کے نمائندے الطاف پیرزادو نے بتایا ہے کہ مہم کے دوران صوبے کے 16 اضلاع میں پانچ سال تک کی عمر کے 56 لاکھ بچوں کو پولیو سے بچائو کے قطرے پلائے جائیں گے۔