پنجاب اسمبلی کے انتخابات کیلئے کاغذات نامزدگی جمع کرانے کا عمل جاری ہے اور امیدوار ریٹرننگ افسروں کے پاس اپنے کاغذات نامزدگی کل تک جمع کراسکتے ہیں۔نامز د امیدواروں کے نام بدھ کو شائع ہوں گے اورکاغذات نامزدگی کی جانچ پڑتال کا عمل رواں ماہ کی بائیس تاریخ تک جاری رہے گا۔امیدوار اگلے مہینے کی پانچ تاریخ تک اپنے کاغذات واپس لے سکتے ہیں اور اسی روز امیدواروں کی حتمی فہرست جاری کی جائے گی۔اگلے ماہ کی چھ تاریخ کو امیدواروں کو انتخابی نشان الاٹ ہوںگے جبکہ پولنگ اگلے ماہ کی تیس تاریخ کو ہوگی۔
