کل جماعتی حریت کانفرنس نے اقوام متحدہ کے سیکرٹری جنرل انتونیو گوتریس سے اپیل کی ہے کہ کشمیریوں کی امنگوں اور سلامتی کونسل کی متعلقہ قرادادوں کے مطابق تنازعہ کشمیر کے حل کیلئے بھارت پردباو بڑھایا جائے۔غیر قانونی زیر حراست حریت رہنمائوں، کارکنوں اور نوجوانوں کی حالت زار پر گہری تشویش کا اظہار کرتے ہوئے کل جماعتی حریت کانفرنس کے ترجمان نے کہا کہ عالمی سطح پر تسلیم شدہ حق خودارادیت کے حصول کیلئے پرامن جدوجہد کرنے والے ہزاروں کشمیری جیلوں میں قید ہیں۔ادھر بھارتی فوجی دستوں کی جانب سے مقبوضہ جموں و کشمیر کے ضلع اسلام آباد میں کوکر ناگ کے علاقے میں محاصرے اور تلاشی کی کارروائیاں جاری ہیں۔
