کابینہ کی اقتصادی رابطہ کمیٹی نے یوریا کھاد کی درآمدپرصوبوں کے ساتھ وفاقی حکومت کے حصے کی ادائیگی کی خاطر وزارت تجارت کے لئے پانچ ارب ستاون کروڑ روپے کی ضمنی گرانٹ کی منظوری دیدی ہے۔اقتصادی رابطہ کمیٹی کااجلاس وزیرخزانہ اسحاق ڈار کی زیرصدارت اسلام آباد میں منعقد ہوا۔کمیٹی نے صنعتوں اورپیداوارکی وزارت کو ہدایت کی کہ درآمدی یوریاکھادپرصوبوں کی طرف سے واجب الاداسبسڈی کی جلدادائیگی یقینی بنائی جائے۔کمیٹی نے قومی شاہرات کے ادارے کودالبندین سے زیارت بالانوش تک ستترکلومیٹرطویل سڑک کی تعمیرکے لئے دس کروڑروپے اداکرنے کی منظوری دی۔کمیٹی نے گزشتہ برس کے سیلابوں کے دوران تباہ ہونے والی سڑکوں کی بحالی کی خاطر قومی شاہرات کے ادارے کے لئے ایک ارب چھیاسٹھ کروڑ ساٹھ لاکھ روپے کی منظوری دی ۔کمیٹی نے جیوانی سے گوادرتک دوسرے سڑک کی تعمیرکے لئے وزارت توانائی کو بانوے کروڑ بیس لاکھ روپے اداکرنے کی بھی منظوری دی۔