Thursday, 20 June 2024, 11:09:49 pm
اقوام متحدہ جنرل اسمبلی اجلاس پاکستان کو بنیادی عالمی مسائل بارے اپنا نکتہ نظر پیش کرنے میں مدد فراہم کرے گا، منیراکرم
September 19, 2023

اقوام متحدہ میں پاکستان کے مستقل مندوب منیراکرم نے کہاہے کہ اقوام متحدہ کی جنرل اسمبلی کا اٹھہترواں اجلاس پاکستان کوتنازعہ کشمیر، افغانستان کے بحران، اسلام مخالف پروپیگنڈے ، مشرق وسطیٰ کے مسئلے، ماحولیات اورمعیشت سمیت بنیادی عالمی مسائل کے بارے میں اپنا نکتہ نظر پیش کرنے میں مدد فراہم کرے گا۔پی ٹی وی کو ایک خصوصی انٹرویو میں انہوں نے کہاکہ جنرل اسمبلی کے اجلاس کے موقع پر مختلف کانفرنسوں کاانعقاد بھی ہوگا جن میں پائیدارترقیاتی اہداف کے بارے میں سربراہ کانفرنس ، ماحولیات کے بارے میں سربراہ کانفرنس اوروبائی امراض سے بچائو، عالمی سطح پر طبی سہولتوں کی فراہمی اور ٹی بی کے مرض کے بارے میں سربراہ کانفرنسیں شامل ہیں جن سے ان بنیادی مسائل کو حل کرنے میں مدد ملے گی۔پاکستانی مندوب نے کہاکہ یہ دنیاکی تاریخ میں ایک نازک موقع ہے کہ ایشیاء میں بڑی طاقتوں کے درمیان کشیدگیوں میں اضافہ ہوگیاہے اورکورونااورماحولیاتی تبدیلی کی وجہ سے ایشیائی ریاستوں کی اقتصادی صورتحال بگڑ گئی ہے۔انہوں نے کہاکہ ترقی پذیرملک کے طورپرجنرل اسمبلی میں ہماری بھرپورتوجہ شمالی ممالک کی طرف سے ترقی پذیرممالک کے ساتھ ماحولیاتی معاہدوں کویقینی بنانے پرمرکوز ہوگی جو ماحولیاتی اثرات کامقابلہ کررہے ہیں۔