Thursday, 28 March 2024, 10:05:44 pm
وزیرصحت کاوالدین پربچوں کوکوروناوائرس سےبچاوکی ویکسین لگوانےپرزور
September 20, 2022

وفاقی وزیر صحت عبدالقادر پٹیل نے والدین پر زور دیا ہے کہ وہ پانچ روزہ مہم کے دوران اپنے بچوں کو کورونا وائرس سے بچاو کی ویکسین لگوائیں۔

پاکستان ٹیلی ویژن نیوز سے گفتگو کرتے ہوئے انہوں نے کہا کہ یہ مہم اسلام آباد، سندھ اور پنجاب کے سکولوں میں اس ماہ کی چوبیس تاریخ تک جاری رہےگی۔

وفاقی وزیر نے کہاکہ وزارت صحت نے وزارت تعلیم کے تعاون سے ویکسی نیشن کےلئے سکول کے بچوں کے نادرا کی بنیاد پر اعداد و شمار مکمل کرلئے ہیں۔

ایک سوال کا جواب دیتے ہوئے انہوں نے امریکی حکومت کا شکریہ ادا کیا کہ امریکہ یو ایس ایڈ کے ذریعے پانچ سے گیارہ سال کے بچوں کے لئے کورونا وائرس کی وبا سے بچاو کی ویکسین مہم میں حکومت پاکستان کی مدد کررہا ہے۔