Sunday, 05 February 2023, 12:18:46 pm
برطانیہ گجرات قتل عام کے متعلق جو کچھ جانتا ہے وہ لازماً سامنے لے کرآئے:عمران حسین
January 21, 2023

برطانوی پارلیمنٹ کے رکن عمران حسین نے کہاہے کہ برطانیہ گجرات کے قتل عام کے متعلق جو کچھ جانتا ہے وہ لازماً سامنے لے کرآئے۔دارالعلوم میں وزیراعظم کے سوالات کے سیشن کے دوران بریڈفورڈایسٹ سے تعلق رکھنے والے لیبررکن پارلیمنٹ نے بی بی سی کی دستاویزی فلم ''انڈیادی مودی کوئسچن''کے پہلے حصے میں کئے جانے والے دعوئوں کواجاگرکیااورکہاکہ برطانیہ کاخارجہ ،دولت مشترکہ اورترقی کامحکمہ ہنگاموں میں نریندرمودی کے ملوث ہونے کے بارے میں آگاہ تھا جس میں کم ازکم ایک ہزار افرادقتل ہوئے۔برطانوی وزیراعظم رشی ونک نے یہ کہتے ہوئے برطانوی پارلیمنٹ میں نریندرمودی کادفاع کرنے کی کوشش کی کہ وہ گجرات میں دوہزاربائیس میں ہونے والے ہنگاموں کے بارے میں بی بی سی کی دستاویزی فلم میں اپنے بھارتی ہم منصب کے متعلق باتوں سے اتفاق نہیں کرتے۔