Thursday, 30 May 2024, 02:46:55 pm
ضمنی انتخابات کے ابتدائی نتائج مسلم لیگ (ن) پرعوام کے اعتماد کو ثابت کرتے ہیں، وزیراطلاعات
April 21, 2024

وزیراطلاعات و نشریات عطاء اللہ تارڑ نے کہا ہے کہ ضمنی انتخابات کے ابتدائی نتائج مسلم لیگ (ن) پر عوام کے اعتماد کو ثابت کرتے ہیں۔

اتوار کو ایک ویڈیو بیان میں انہوں نے کہا کہ یہ بھی ثابت ہو گیا ہے کہ ملک کے عوام مسلم لیگ (ن) کی پالیسیوں کو پسند کرتے ہیں۔

وفاقی وزیر نے کہا کہ وزیر اعظم شہباز شریف کی قیادت میں معاشی اصلاحات ملک کو معیشت کی بحالی، مہنگائی میں کمی اور زرمبادلہ کے ذخائر میں اضافے کی طرف لے جائیں گی۔

انہوں نے مزید کہا کہ عوام نے پاکستان تحریک انصاف کے جھوٹے بیانیے کو اپنے ووٹوں کے ذریعے مسترد کر دیا ہے۔ انہوں نے نفرت کی سیاست اور ملک کے قومی مفاد کو نقصان پہنچانے کی سازشوں کو بھی مسترد کر دیا ہے۔

وفاقی وزیر نے امید ظاہر کی کہ دانشمندانہ معاشی اقدامات کے باعث ہم ملک کی حقیقی شان حاصل کرنے میں کامیاب ہوں گے۔

انہوں نے ان ووٹرز کو بھی خراج تحسین پیش کیا جنہوں نے مسلم لیگ (ن) کی درست پالیسیوں کا ساتھ دیا۔