گلگت بلتستان کےوزیر اعلیٰ محمد خالد خورشید نے کہا ہے کہ حکومت عوام کو صحت کی بہترین سہولتوں کی فراہمی یقینی بنانے کے لئے شعبہ صحت میں مزید اصلاحات متعارف کرانے کے لئے پرعزم ہے۔
وہ گلگت بلتستان ینگ ڈاکٹرز ایسوسی ایشن کے نو منتخب عہدیداروں کی تقریب حلف برداری سےخطاب کررہے تھے۔
وزیر اعلیٰ نے کہا کہ گلگت بلتستان حکومت نے صحت کے شعبہ کی بہتری کے لئے طبی و رہبر کمیٹی قائم کی ہے۔
خالد خورشید نے کہا کہ صوبائی حکومت صوبہ بھر کے ہسپتالوں میں ہنگامی امداد اور انتہائی نگہداشت کے شعبوں کو بہتر بنانے کےلئے تمام وسائل بروئے کار لائے گی۔
