Friday, 29 March 2024, 12:16:30 pm
ضلعی انتظامیہ احساس راشن پروگرام میں مستحق خاندانوں کی رجسٹریشن مہم میں تعاون کریں:ثانیہ نشتر
December 22, 2021

غربت کے خاتمے اورسماجی تحفظ کے بارے میں وزیراعظم کی معاون خصوصی ڈاکٹر ثانیہ نشتر نے پنجاب میں ضلعی انتظامیہ پرزوردیاہے کہ وہ احساس راشن پروگرام کے تحت کریانہ فروشوں اور مستحق خاندانوں کی رجسٹریشن کی جاری مہم میں تعاون کرے۔وہ اسلام آباد میں ایک اجلاس سے خطاب کررہی تھیں جس میں احساس راشن رجسٹریشن مہم کے تحت مطلوبہ کوائف کے اندراج کاعمل تیز کرنے کے بارے میں تفصیلی منصوبے پرغورکیاگیا۔پنجاب کے چیف سیکرٹری کامران علی افضل ڈائریکٹرجنرل سوشل ویلفیئر، سیکرٹری خوراک، کمشنروں اور پنجاب کے تمام اضلاع کے ڈپٹی کمشنروں نے اجلاس میں شرکت کی۔ڈاکٹرثانیہ نشترنے کہاکہ احساس راشن پروگرام کی کامیابی کاانحصاران کریانہ سٹورز کی رجسٹریشن پر ہے جو ابھی تک ڈیجیٹل سسٹم کاحصہ نہیں ہیں۔