آزادجموں وکشمیرکے صدربیرسٹرسلطان محمودچودھری نے کہاہے کہ سرینگرمیں منعقد ہونیوالے گروپ بیس کے اجلاس میں متعدداہم ملکوں کاشرکت سے انکاربھارت کے لئے بڑاسفارتی دھچکا ہے۔
ایک بیان میں انہوں نے کہاکہ یہ متنازعہ علاقے میں گروپ بیس کے اجلاس کاانعقادمسئلہ کشمیر کے حوالے سے اقوام متحدہ کی قراردادوں کی خلاف ورزی ہے۔
انہوں نے کہاکہ گروپ کے اہم رکن ملکوں کے اجلاس میں شرکت سے انکارسے کشمیرکادیرینہ تنازع مزیداجاگرہواہے۔
اقلیتوں خاص طورپرمسلمانوں کے حوالے سے بھارتی حکومت کی ظالمانہ پالیسیوں پر تنقید کرتے ہوئے صدرنے کہاکہ بھارتی معاشرے میں نفرت اورعدم برداشت کی بڑھتی ہوئی لہر ملک کے ٹوٹنے کاباعث بنے گی۔