Monday, 22 July 2024, 07:44:36 pm
احسن ایازایک بار پھر اسکواش کے میدان میں پاکستان کا سر فخر سے بلند کرینگے :مسعود خان
May 25, 2023

امریکہ میں پاکستان کے سفیر مسعود خان نے کہا ہے کہ احسن ایاز اپنی قابلیت کے بل بوتے پر ایک بار پھر پاکستان کو اسکواش کے میدان میں بین الاقوامی شہرت سے ہمکنار کرکے پاکستان کا سر دوبارہ فخر سے بلند کریں گے۔

ورلڈ جونیئر چیمپئن احسن ایاز نے پاکستان کے سفیر مسعود خان سے سفارتخانہ پاکستان میںملاقات کی۔مسعود خان نے سفارتخانہ آمد پر ان کا پرتپاک استقبال کیا اور مبارکباد دی ۔احسن ایاز نے سفیر پاکستان کو امریکہ اور بین الاقوامی سطح پر پروفیشنل اسکواش کھیلنے کے اپنے منصوبوں کے بارے میں آگاہ کیا۔

مسعود خان نے احسن ایاز کو سفارتخانہ پاکستان کی جانب سے ہر ممکن تعاون کا یقین دلایا۔ بین الاقوامی آئیکنز جہانگیر خان اور جان شیر خان کا حوالہ دیتے ہوئے انہوں نے کہا کہ انکا دور اسکواش میں پاکستان کی شاندار کارکردگی کے سنہری دور کی یاد تازہ کرتا ہے احسن ایاز پاکستان کا سر دوبارہ فخر سے بلند کریں گئے ۔

اس موقع پر احسن ایاز نے کہا کہ انکے جیتے ہوئے تمام ٹائٹل ہی انکے لیے اہم ہیں لیکن ورلڈ جونئیر چیمپین شپ کا اعزاز انکے دل کے سب سے قریب ہے جو انہوں نے پولینڈ میں جیتا تھا ۔اپنی ترجیحات کا ذکر کرتے ہوئے انہوں نے کہا کہ اس وقت ان کی اولین ترجیح صرف اور صرف کھیل میں بہتری لانا ہے اور دنیا کے ٹاپ 10 میں شامل ہونا ہے اور اس مقصد کیلئے وہ پوری دنیا کا سفر کرتے ہیں اور بین الاقوامی کوچز کے ساتھ تربیت حاصل کرتے ہیںاحسن ایاز 23 سال کے پروفیشنل اسکواش کھلاڑی ہیں جنہوں نے 8 سال بعد 2016 میں اسکواش جونئیر چیمپئن شپ جیتی ہیجبکہ PSA رینکنگ میں دنیا میں 87 ویں نمبر پر ہے۔