فائل فوٹو

حکومت نے احساس انڈر گریجویٹ سکالر شپ پروگرام کے تحت وظائف کیلئے درخواستیں وصول کرنے کی تاریخ میں اگلے ماہ کی31تاریخ تک توسیع کردی ہے۔

وزیراعظم کی معاون خصوصی ڈاکٹر ثانیہ نشتر نے ایک بیان میں کہا کہ یہ فیصلہ زیادہ سے زیادہ مستحق طلبہ کے اس موقع سے فائدہ اٹھانے کیلئے کیا گیا ہے۔ احساس انڈر گریجویٹ سکالر شپس پروگرام پسماندہ علاقوں اور ماہانہ45 ہزار روپے سے کم آمدنی والے خاندانوں کے بچوں کیلئے مختص ہے تاکہ مستحق طلبہ کو تعلیم کے حصول میں مدد دی جاسکے۔