حکومت نے آئندہ پندرہ روز کیلئے پٹرول کی قیمت میں چھ روپے سترہ پیسے اور ڈیزل کی قیمت میں دس روپے چھیاسی پیسے فی لٹر کمی کی ہے۔
پٹرول کی نئی قیمت دو سو انہتر روپے تینتالیس پیسے اور ہائی سپیڈ ڈیزل کی قیمت دو سو بہتر روپے ستتر پیسے فی لٹرمقرر کی گئی ہے۔
اسی طرح لائٹ ڈیزل کی قیمت میں پانچ روپے بہتر پیسے اور مٹی کے تیل کی قیمت میں چھ روپے بتیس پیسے کمی کی گئی ہے۔
لائٹ ڈیزل کی نئی قیمت ایک سو ساٹھ روپے ترپن پیسے اور مٹی کے تیل کی قیمت ایک سو ستتر روپے انتالیس پیسے ہوگی۔نئی قیمتوں کا اطلاق آج سے ہوگیا ہے۔
