اطلاعات و نشریات کی وزیر مریم اورنگزیب نے جمہوری طور پر منتخب حکومت کو ہٹانے کے لئے اداروں کو کھلے عام سیاست میں مداخلت کا کہنے پر پی ٹی آئی کے چیئرمین عمران خان پر شدید تنقید کی ہے۔ایک بیان میں انہوں نے کہا کہ عمران خان کو وضاحت کریں کہ وہ اسلام آباد کی طرف اپنے لانگ مارچ کے دوران کنٹینر پر کی جانے والی تقاریر میں کس کو دھمکیاں دے رہے ہیں۔وزیر اطلاعات نے کہا کہ پی ٹی آئی کے لانگ مارچ کو عوام میں خاص پذیرائی نہیں ملی اور عمران خان کو جان لینا چاہئے کہ دو ہزار افراد بائیس کروڑ لوگوں پر مشتمل پوری قوم کی نمائندگی نہیں کرتے۔