ایف سی بلوچستان نے تربت میں یوم اقبال کی مناسبت سے رنگا رنگ تقاریب کا اہتمام کیا ہے۔

اس حوالے سے ایک تقریب بلوچستان کے علاقے تربت میں ایف سی ہیڈ کواٹر سائوتھ میں منعقد ہوئی جس میں مختلف سکولوں اورکالجوں کے طلبہ نے حصہ لیا۔

تقریب کے دوران طلبہ کے درمیان شاعر مشرق علامہ ڈاکٹر محمد اقبال کی شاعری اور قومی خدمات کو اجاگر کرنے کیلئے ایک تقریری مقابلہ منعقد کیا گیا۔

Atashad ڈگری کالج تربت کے طالب علم شہزاد نے انگریزی تقریری مقابلے میں پہلی پوزیشن حاصل کی جبکہ گورنمنٹ گرلز ڈگری کالج کی طالبہ شاہدہ نے اردو تقریری مقابلے میں پہلی

پوزیشن حاصل کی۔

تقریب کے آخر میں مہمان خصوصی نے طلبہ میں انعامات تقسیم کیے۔