سیکورٹی فورسز نے خیبرپختونخوا کے ضلع جنوبی وزیرستان کے علاقے کراما میں پانچ خوارجیوں کو ہلاک کردیا ہے۔
فوج کے شعبہ تعلقات عامہ کے مطابق گزشتہ روز سیکورٹی فورسز اور خوارجیوں کے درمیان فائرنگ کا تبادلہ ہوا جس میں چار بہادر جوانوں نے جام شہادت نوش کرلیا۔
شہداء میں ضلع ٹانک سے تعلق رکھنے والے نائب صوبیدار طیب شاہ، ضلع کرک کے لانس نائیک گلاب زمان اور لانس نائیک مزمل محمود اور ضلع اورکزئی کے لانس نائیک حبیب اللہ شامل ہیں۔
علاقے میں موجود دیگر ممکنہ خارجیوں کی تلاش کیلئے آپریشن جاری ہے۔
