مسلمان معاشروں میں لڑکیوں کی تعلیم پر بین الاقوامی کانفرنس وفاقی دارالحکومت میں اسلام آباد اعلامیہ کی منظوری کے ساتھ ختم ہو گئی ، جس میں لڑکیوں کو تعلیم کی فراہمی میں بڑی مشکلات کے حل کیلئے مشترکہ کوششوں کی ضرورت پر زور دیا گیا ہے۔
اعلامیے میں کہا گیا ہے کہ مسلمان معاشروں میں لڑکیوں کی تعلیم کے مواقع بڑھانے کیلئے صنفی حساس پالیسیوں اور ذرائع کو بروئے کار لانے کے علاوہ عالمی تنظیموں کے ساتھ شراکت داری مضبوط کی جائے۔
