فائل فوٹو

بھارت کے غیر قانونی زیر قبضہ جموں وکشمیر میں کل جماعتی حریت کانفرنس نے محاصرے اور تلاشی کی بڑھتی ہوئی کارروائیوں ، گھرو ں پر چھاپوں اور املاک کی ضبطی کی شدید مذمت کی ہے۔

حریت کانفرنس کے ترجمان نے سرینگر میں ایک بیان میں کہا کہ بھارتی فورسز ہندوتوا سے منسلک بیورو کریٹس اور انتظامیہ کے ساتھ مل کر مقبوضہ علاقے پر غیر جمہوری طریقے سے حکمرانی کر رہی ہیں اور اپنے پیدائشی حق خود ارادیت کا مطالبہ کرنے والے کشمیریوں کو دبا رہی ہیں۔

بیان میں کہا گیا کہ بھارت نے نہتے کشمیریوں کے سروں پر 10لاکھ سے زائد فوجی اور پولیس اہلکار مسلط کر رکھے ہیں جو علاقے میں انسانی حقوق کے عالمی اعلامیے کی دھجیاں اڑا رہے ہیں۔