وزیراعظم محمد شہبازشریف نے عمان کے ساتھ تمام شعبوں میں دوطرفہ تعاون کو مزید فروغ دینے کے پاکستان کے پختہ عزم کا اعادہ کیا ہے۔
اس عزم کا اظہار انہوں نے آج سلطنت عمان کے سلطان HAITHAM بن طارق سے ٹیلی فون پر گفتگو کے دوران کیا۔
وزیر اعظم نے پاکستان کے وزیر تجارت کے مسقط کے حالیہ کامیاب دورے پر اطمینان کا اظہار کیا جس سے فریقین کے درمیان باہمی طورپر فائدہ مند تعاون کی نئی راہیں تلاش کرنے کی راہ ہموار ہوگی۔
انہوں نے عمان کے سلطان کو پاکستان کا دورہ کرنے کی دعوت بھی دی اور ان سے کہا کہ وہ جلد از جلد پاکستان کا سرکاری دورہ کریں۔
شہباز شریف نے عید الفطر کے پرمسرت موقع پر عمان کے سلطان اور برادر عوام کو مبارکباد پیش کرنے کے ساتھ ساتھ نیک تمنائوں کا اظہار کیا۔
سلطان HAITHAM بن طارق نے بھی وزیر اعظم کو عید کی مبارکباد پیش کی اور پاکستانی عوام کے لیے نیک خواہشات کا اظہار کیا۔
