وزیراعظم شہباز شریف نے دہشت گردی کے خاتمے اور ملک کے معاشی اور سماجی مسائل حل کرنے کیلئے اتحاد اور ہم آہنگی کی ضرورت پرزور دیا ہے۔

انہوں نے یہ بات اسلام آباد میں جمعتہ الوداع کے سلسلے میں نوجوانوں اورعلماء کے قومی کنونشن سے خطاب کرتے ہوئے کہی جس کاموضوع تھا ''رب ذوالجلال کا احسان پاکستان''۔

وزیراعظم نے کہا کہ زندگی کے تمام شعبوں سے تعلق رکھنے والے افراد خصوصاً علمائے کرام پر یہ خصوصی ذمہ داری عائد ہوتی ہے کہ وہ مذہب اور مسلک کی بنیاد پر داخلی تقسیم کا خاتمہ

کریں۔

وزیراعظم نے بھارت کے غیرقانونی زیرقبضہ جموں وکشمیر اور فلسطین کے مظلوم عوام کے ساتھ یکجہتی کا اظہار بھی کیا۔

انہوں نے کشمیر اور فلسطین کی آزادی تک ان کے عوام کی حمایت جاری رکھنے کے عزم کا اعادہ کیا۔