انفارمیشن ٹیکنالوجی اور ٹیلی کمیونیکیشن کی وزیر شزہ فاطمہ خواجہ نے ڈیجیٹل جدت اور اُبھرتی ہوئی ٹیکنالوجیز کے شعبوں میں سعودی عرب کے ساتھ شراکت داری مزید مضبوط بنانے کے پاکستان کے عزم کا اعادہ کیا ہے۔
وہ آج ریاض میں اُبھرتی ہوئی ٹیکنالوجیز کے حوالے سے ایک کانفرنس سے خطاب کر رہی تھیں۔
وفاقی وزیر نے کہا کہ پاکستان نے ڈیجیٹل نیشن پاکستان ایکٹ کے ذریعے اپنے ڈیجیٹل تبدیلی کے نظام میں قانون سازی کو بنیادی حیثیت دی ہے۔
