نائب وزیراعظم اسحاق ڈار نے وسیع شعبوں میں پاکستان اور چین کے درمیان سدابہار سٹرٹیجک تعاون پر مبنی شراکت داری مزید مستحکم کرنے کی اہمیت پر زور دیا ہے۔

انہوں نے یہ بات چین کیلئے پاکستان کے نامزد سفیر علی اسد گیلانی سے گفتگوکے دوران کہی جنہوں نے اسلام آباد میں ان سے ملاقات کی۔

اسحاق ڈار نے کہا کہ چین کے ساتھ آزمودہ اور دیرینہ تعلقات کو پاکستان خصوصی اہمیت دیتا ہے۔

نائب وزیراعظم نے کہا کہ تجارت اور سرمایہ کاری، رابطہ کاری، سی پیک، زراعت، سائنس و ٹیکنالوجی، تعلیم اور عوامی روابط کے شعبوں میں دوطرفہ تعلقات مزید بڑھانے کی وسیع گنجائش موجود ہے۔