وزیراعظم محمد شہباز شریف نے اس عزم کا اعادہ کیا ہے کہ وفاقی حکومت خیبر پختونخوا کی ترقی اور اس کے عوام کی فلاح و بہبود کیلئے کام جاری رکھے گی۔
وہ خیبر پختونخوا کے گورنر فیصل کریم کنڈی سے گفتگو کر رہے تھے، جنہوں نے اسلام آباد میں ان سے ملاقات کی۔
ملاقات کے دوران صوبے کے مجموعی سیاسی حالات، امن و امان اور باہمی دلچسپی کے امور پر تفصیلی تبادلہ خیال کیا گیا۔
اس موقع پر وفاق اور صوبے کے درمیان ہم آہنگی اور عوامی مسائل کو حل کرنے کیلئے مزید کوششوں پر بھی زور دیا گیا۔
