نائب وزیراعظم اسحاق ڈار نے اقوام متحدہ کے منشور کے مقاصد اور اصولوں کو آگے بڑھانے اور بین الاقوامی قوانین اور معاہدوں کا احترام کرنے کیلئے پاکستان کے پختہ عزم کا اعادہ کیا ہے۔

انہوں نے یہ بات آئی اے ای اے کے ڈائریکٹر جنرل اور اقوام متحدہ کے سیکرٹری جنرل کے امیدوار سفیر Rafael Grossi سے ٹیلی فون پر گفتگو کے دوران کہی۔

اسحاق ڈار نے عالمی امن اور ترقی کے ایجنڈے کے حصول میں اقوام متحدہ کے نظام کی اہمیت کو اجاگر کیا۔

انہوں نے خطے کی بدلتی ہوئی صورتحال پر تبادلہ خیال کیا اور اس بات پر اتفاق کیا کہ کشیدگی کم کرنے کے لیے اسلام آباد مفاہمتی یادداشت پر عمل درآمد ہی بہترین راستہ ہے۔