بلوچستان کے وزیراعلیٰ میر سرفراز احمد بگٹی نے کہا ہے کہ ریاست کی عملداری ہرقیمت پر برقرار رکھی جائے گی۔رات کوئٹہ کے ہسپتال میں ہرنائی دھماکے کے زخمیوں سے گفتگو کرتے ہوئے انہوں نے کہا کہ دہشت گردی کے خلاف جنگ میں دی جانے والی قربانیاں رائیگاں نہیں جائیں گی اور دہشت گردوں کو ان کے منطقی انجام تک پہنچایا جائے گا۔وزیراعلیٰ نے دھماکے کے تمام زخمیوں کی عیادت کی اور ان کی جلد صحت یابی کی دعا کی۔انہوں نے زخمیوں کو علاج معالجے کی بہتر سہولیات کی فراہمی پر بھی اطمینان کا اظہار کیا۔