پاکستان نے اقوام متحدہ کی سکیورٹی کونسل پر زور دیا ہے کہ وہ اکثریتی بین الاقوامی رائے کے پیش نظر فلسطین کی درخواست پر نظر ثانی اور اس کی مکمل رکنیت کی سفارش کرے۔
یہ مطالبہ اقوام متحدہ میں پاکستان کے سفیر منیراکرم نے نئے ممبران کی شمولیت کے حوالے سے ویٹو پاور کے استعمال بارے اقوا م متحدہ کی جنرل اسمبلی کے اجلاس کے دوران گفتگو میں حصہ لیتے ہوئے کیا۔
منیر اکرم نے کہا کہ اگر ویٹو پابندی ختم کردی جاتی ہے اوراقوام متحدہ کی سکیورٹی کونسل کی منظوری سے فلسطین اقوام متحدہ کا رکن بن جاتا ہے تو امن کےلئے سفارتی کوششوں میں مزید تیزی آئے گی۔
انہوں نےکہاکہ اس طرح کے اقدامات سے فلسطینی عوام کے خلاف ہونے والی تاریخی ناانصافیوں کو درست کرنے اور دو ریاستی حل کے لئے راہ ہموار ہوگی۔