فائل فوٹو

وزیراطلاعات ونشریات چودھری فواد حسین نے کہا ہے کہ جعلی خبریں ایک سنجیدہ معاملہ ہے اور جعلی خبروں کے خلاف دنیا بھر میں قانون سازی کی جارہی ہے ۔

پارلیمنٹ ہاؤس اسلام آباد کے باہر صحافیوں سے غیررسمی گفتگو کرتے ہوئے انہوں نے کہاکہ اس سلسلے میں تمام فریقوں کی مشاورت سے قانون سازی کی جائے گی ۔انہوں نے کہاکہ پاکستان میڈیا ڈویلپمنٹ اتھارٹی کا مسودہ تیار کرلیاگیا ہے جسے جوائنٹ ایکشن کمیٹی میں پیش کیاجائے گا کمیٹی میں پاکستان براڈ کاسٹرز ایسوسی ایشن ، آل پاکستان نیوز پیپرز سوسائٹی کے نمائندے مشاورت اور اتفاق رائے پیداکرنے کیلئے شامل ہیں۔پینڈورا پیپرز کے بارے میں ایک سوال پر انہوں نے کہاکہ وزیراعظم عمران خان پہلے ہی ٹویٹ کرچکے ہیں کہ حکومت ان تمام پاکستانیوں کے بارے میں تحقیقات کرائے گی جن کے نام پینڈورا پیپرز میں شامل ہیں اوراگر کوئی بدعنوانی سامنے آئی تو مناسب کارروائی کی جائے گی۔