اسلامی تعاون تنظیم نے غزہ پر قبضے اور اس کے باشندوں کو بے دخل کرنے کے امریکی صدر ڈونلڈ ٹرمپ کے متنازعہ منصوبے کے خلاف عرب لیگ کی جوابی تجویز کی توثیق کی ہے۔57 رکنی بین الاقوامی تنظیم کا یہ فیصلہ سعودی عرب کے شہر جدہ میں منعقدہ ایک ہنگامی اجلاس میں کیا گیا۔

اسلامی تعاون تنظیم کے سیکرٹری جنرل حسین ابراہیم طہٰ نے اس موقع پر گفتگو میں غزہ کی پٹی کی تعمیر نو کے منصوبے کی حمایت کی یقین دہانی کرائی اور کہا کہ فلسطینی عوام کے حقوق کی پاسداری ان کی سرزمین پر رہنے میں مضمر ہے۔