روس کے صدر ولادیمیر پیوٹن نے انتہا پسندی سے نمٹنے اور شہریوں کو پرتشدد کارروائیوں سے بچانے کے لیے اسلام آباد کے ساتھ قریبی تعاون کے لیے ماسکو کے عزم کا اعادہ کیا ہے۔

روسی صدر ولادیمیر پیوٹن نے ایک خط میں صدر آصف علی زرداری اور وزیر اعظم شہباز شریف کو کوئٹہ ریلوے اسٹیشن پر دہشت گردانہ حملے کے بعد تعزیت کا اظہار کیا ہے۔

انہوں نے دہشت گردی کے خلاف جنگ میں پاکستان کے ساتھ روس کے عزم پر زور دیا۔

دوسری جانب پاکستان میں امریکی مشن نے بھی حملے کی مذمت کی اور متاثرین اور ان کے اہل خانہ سے دلی تعزیت کا اظہار کیا۔

دریں اثنا ملائیشیا کے وزیراعظم انور ابراہیم نے واقعے پر دلی تعزیت اور ہمدردی کا اظہار کیا۔

ترکی کی وزارت خارجہ نے بھی ایک بیان میں دہشت گردانہ حملے کی شدید الفاظ میں مذمت کی ہے۔