خصوصی سرمایہ کاری سہولت کونسل کی ایپکس کمیٹی نے ملک کی اقتصادی صورتحال میں بہتری پر اطمینان ظاہر کیا ہے۔
کمیٹی کا گیارہواں اجلاس اسلام آباد میں وزیراعظم محمد شہباز شریف کے زیر صدارت ہوا۔
کمیٹی نے اقتصادی ترقی اور اس کے ثمرات عوام کو منتقل کرنے کیلئے مشترکہ کوششوں کی اہمیت پر زور دیا۔
ایپکس کمیٹی کے سیکرٹری نے اجلاس کو کونسل کے تذویراتی اقدامات اورقومی معیشت میں بہتری کے منصوبے ''اڑان پاکستان'' کیلئے اس کی معاونت کے بارے میں بریفنگ دی۔
اجلاس کے دوران کمیٹی نے ملک کے صنعتی منظرنامے کونئی جہت دینے کیلئے خصوصی اقتصادی زونز بہتر بنانے کے لائحہ عمل کی منظوری دی۔
اس موقع پر آرمی چیف نے حکومت کے معاشی استحکام اور امن و امان یقینی بنانے سے متعلق اقدامات کیلئے پاک فوج کے مکمل تعاون اور حمایت کی یقین دہانی کرائی۔
