نائب وزیراعظم نے آئی ایم ایف کی لچکدار اور پائیدار مالی سہولیات تک رسائی کے حوالے سے پیش رفت کا جائزہ لینے کیلئےاجلاس کی صدارت کی۔
اجلاس میں انہوں نے موسمیاتی بہتری اور موسمیاتی تبدیلیوں میں کمی لانے کیلئے حکومت کے عزم کا اعادہ کرتے ہوئے آئی ایم ایف کی مالی سہولت کے حصول کیلئے مسلسل کوششوں پر زور دیا۔
دوسری جانب انہوں نے نجکاری کے بارے میں کابینہ کمیٹی کے اجلاس کی صدارت کی جس میں روز ویلٹ ہوٹل نیو یارک سمیت نجکاری کے جاری اقدامات پر پیش رفت کا جائزہ لیا۔
اس موقع پر سب سے زیادہ قابل عمل طریقوں کی نشاندہی پر توجہ مرکوز کی گئی۔
اس موقع پر نائب وزیراعظم نے روز ویلٹ ہوٹل کی جلد از جلد نجکاری پر زور دیا۔
