Thursday, 30 May 2024, 03:38:38 pm
بلوچستان شاہ نورانی کے مقام پر ٹرک گہری کھائی میں گر گیا،14افرادجاں بحق،20زخمی
April 11, 2024

بلوچستان میں ضلع حب کے نزدیک شاہ نورانی کے مقام پر ایک ٹرک گہری کھائی میں گرنے سے کم از کم چودہ افراد جاں بحق اور بیس زخمی ہوگئے۔زخمیوں کو قریبی ہسپتال میں منتقل کردیا گیا ہے۔ادھر وزیراعلی بلوچستان میر سرفراز بگٹی نے حادثے میں قیمتی جانوں کے نقصان پرگہرے دکھ اور افسوس کا اظہار کیا ہے۔انہوں نے متعلقہ حکام کو ہدایت کی کہ زخمیوں کو علاج معالجے کی بہترین سہولتیں فراہم کی جائیں۔

وزیراعلیٰ سندھ سید مراد علی شاہ نے شاہ نورانی بلوچستان میں ٹرک حادثے میں قیمتی جانوں کے نقصان پر گہرے افسوس کا اظہار کیا ہے۔ایوان وزیراعلیٰ کے میڈیا کے نمائندے کے مطابق سید مراد علی شاہ نے زخمیوں کو فوری طور پر ٹراما سینٹر کراچی میں منتقل کرنے کا حکم دیا ہے۔وزیراعلیٰ نے زخمیوں کے بہترین علاج معالجے کی بھی ہدایت کی ہے۔